काठमाण्डौ ।
इन्डियन प्रिमियर लिग (आईपीएल) क्रिकेटमा लखनउ सुपर जायन्ट्सले सनराइजर्स हैदराबादलाई ७ विकेटले हराउदै चौथो स्थानमा उक्लेको छ। हैदराबादले दिएको १ सय ८३ रनको लक्ष्य लखनउले ४ बल बाँकी छँदै ३ विकेट गुमाएर भेट्टाएको थियो । यसअघि घरेलु मैदानमा टस जितेर पहिले ब्याटिङ गरेको हैदराबादले ६ विकेट गुमाएर १ सय ८२ बनाएको थियो । जितसँगै लखनउ १३ अङ्कसहित चौथो स्थानमा पुगेको हो । ८ अङ्क रहेको हैदराबाद पुछारबाट दोस्रो स्थानमा छ। आजको जितसँगै लखनउले प्ले अफमा पुग्ने सम्भावना कायमै राखेको छ । हैदराबादको सम्भावना भने कम छ ।
यो समाचार पढेर हजुरले कस्तो महसुस गर्नुभएको छ ??
