११ जेठ, दाङ।
दाङमा जीपले स्कुटरलाई ठक्कर दिँदा शिक्षिकाको ज्यान गएको छ । आज बिहान पश्चिम हापुरेबाट तुलसीपुर आउँदै गरेको रा १ ज ९२३ नं को जीपले रा ७ प ४२३७ नं को स्कुटरलाई दङ्गीशरण गाउँपालिका–५ कमलगढीमा ठक्कर दिएको थियो । दुर्घटनामा तुलसीपुर उपमहानगरपालिका–९ बेलुवाकी ३७ वर्षीया शिक्षिका सीता लम्सालको ज्यान गएको प्रहरीले जनाएको छ । जीपको ठक्करबाट गम्भीर घाइते भएकी सीताको तुलसीपुरकै राप्ती प्रादेशिक अस्पतालमा सामान्य उपचारपछि थप उपचारका लागि नेपालगञ्ज लैजाँदै गर्दा ज्यान गएको हो।
यो समाचार पढेर हजुरले कस्तो महसुस गर्नुभएको छ ??
