काठमाण्डौ ।
महोत्तरीको महोत्तरी बजारमा एनएमबी बैंकको शाखामा पेस्तोल देखाएर लुटपाट भएको छ । आज (मङ्गलबार) दिउँसो सााढे १२ बजेको समयमा महोत्तरी गाउँपालिका–२ महोत्तरी बजारको एनएमबी बैंकको शाखामा नचिनेको समूहले ३५ लाख लुटपाट गरेको प्रहरीले जनाएको छ । महोत्तरीका प्रहरी उपरीक्षक (एसपी)प्रकाश मल्लका अनुसार चार जनाको समूहमा आएका लुटेराले पेस्तोल देखाएर लाइनमा बसेका सेवाग्राही र बैंकको काउन्टरबाट झन्डै ३५ लाख रुपैयाँ लुटेका हुन । सीसीटीभीमा स्पष्ट दृश्य देखिएको र उनीहरूले मुकुण्डो नलगाएकाले चाँडै पक्राउ गर्ने प्रहरीले जनाएको छ ।
यो समाचार पढेर हजुरले कस्तो महसुस गर्नुभएको छ ??
