कञ्चन ।
रुपन्देहीको गैडहवा वडा नं ३ मुडखुटुवाकी एक युवती शुक्रबार बिहान ९ बजेदेखि बेपत्ता भएकी छिन। बेपत्ता हुनेमा रुपन्देही जिल्ला वडा नं। ३ मुडखुटुवा बस्ने अन्दाजी बर्ष २० का पुनम चौधरी रहेका छन। युवतीका बुवा महेन्द्र प्रसाद चौधरीले जेठ २६ गते शुक्रबार बिहान हरैया बहुमुखी क्याम्पस पढ्न भनेर घरबाट हिडेको र क्याम्पसको सिसि क्यामेराको फुटेज जाँच गर्दा सोही बिहान ९ बजे सम्म क्याम्पसको क्यान्टिनमा देखिएको भएपनि त्यस पछि कहाँ गइन भन्ने कुनै जानकारी नभएको र उनी सम्पर्कमा नआएको बताएका छन। बुवा चौधरीले आफ्नो छोरी घरमा नआएपछि सबैतिर खोजतलास तथा आफन्तहरुकोमा सोधखोज भएको तर कहि कतैबाट कुनै जानकारी नआएकोले ईलाका प्रहरी कार्यालय रुद्रपुरमा छोरीको खोजतलासका लागि निवेदन दिएको बताएका छन।
हरैया बहुमुखी क्याम्पसमा नेपाली बिषय लिएर स्नातक दोश्रो बर्षमा अध्ययनरत चौधरीले प्रयोग गर्ने मोबाइल समेत स्विच अफ भएको र क्याम्पस प्रशासनको सिसि क्यामेराको फुटेज जाँच गर्दा मोवाइल चलाइरहेको अवस्थामा क्याम्पसको क्यान्टिनमा बसिरहेको देखिएको स्थानीय बुद्धिप्रसाद कोहाँरले बताएका छन।
