प्युठान ।
प्युठानमा आज (सोमबार) भएको जीप दुर्घटनामा परी ८ जनाले ज्यान गुमाएका छन । स्वर्गद्वारी दर्शन गरेर दाङको लमही फर्किँदै गरेका तीर्थयात्री चढेको लु १ च ६३४५ नम्बरको जीप भिङ्ग्रीको भ्यागुतेमा दुर्घटना हुदाँ जीपमा रहेका दुई जना पुरुष, दुई जना महिला र चारजना बालबालिका गरी आठ जनाकै ज्यान गएको हो ।
जिल्ला प्रहरी कार्यालय प्युठानका अनुसार ज्यान गुमाउनेहरुमा जीप चालक दाङको लमही नगरपालिका–५ का ताराबहादुर कुमाल, तुलसीपुर–१५ की ३५ वर्षीया सरीता शर्मा पोखरेल, उहाँका १४ वर्षीय छोरा विशाल पोखरेल र ९ वर्षीय छोरा विकास पोखरेल, लमही–७ गढवाका ४० वर्षीय गोविन्द शाह, उहाँकी श्रीमती ३० वर्षीया राधा नेपाली र उहाँका ९ वर्षीय छोरा आदित्य शाह रहेका छन भने एक जनाको परिचय खुल्न बाँकी रहेको छ ।मृतक सबैको शव जिल्ला अस्पताल प्युठानमा राखिएको छ ।
यो समाचार पढेर हजुरले कस्तो महसुस गर्नुभएको छ ??
