अर्घाखाँची ।
अर्घाखाँचीमा बँदेल धपाउन थापेको विद्युतीय पासोमा परि एक जनाले ज्यान गुमाएका छन । गुल्मीको मुसीकोट नगरपालिका वडा नम्बर ३ का २६ वर्षिय बिमल महतको जनावरका लागि थापेको विद्युतीय पासोमा परि मृत्यु भएको जिल्ला प्रहरी कार्यालय अर्घाखाँचीले जनाएको छ । जंगलबाट अरिङगाल पोली फर्कने क्रममा छत्रदेवका केशव खनालको घर नजिकै रहेको मकैबारीमा बँदेल लगायत जंगली जनावरका लागि थापेको विद्युतीय पासोमा परि मृत्यु भएको हो । बँदेल धपाउन करेन्ट लगाउने खनाललाई नियन्त्रणमा लिई अनुसन्धान अगाडी बढाइएको छ।
यो समाचार पढेर हजुरले कस्तो महसुस गर्नुभएको छ ??
