देवदह // सामाजीक क्षेत्रमा कृयासिल लायन्स क्लव अफ देवदह र लायन्स क्लव अफ देवदह प्रोफेसनल युथको संयुक्त आयोजनामा वृक्षारोपण कार्यक्रम सम्पन्न भएको छ। क्लबले सामाजिक उत्तरदायित्व अन्तरगत देवदह नगरपालिका वडा नं ५ मा अवस्थित लोकेश्वर मन्दिर परिसरमा वृक्षारोपण गरेको हो।
वृक्षारोपण कार्यक्रममा बोल्दै डिष्ट्रिक ३२५ पि नेपालका द्विति्य उपाध्यक्ष पि.एम.जे.एफ लायन बालाराम भट्टराईले
वृक्षरोपण गर्नुमात्र ठूलो कुरा नर्भइ रोपेको विरूवाको संरक्षण गर्न पनि आग्रह गर्नुभयो। उहाले आज रोपिएका विरुवाको संरक्षण हुनेमा आफू आशावादी भएको बताउनुभयो।
कार्यक्रममा बोल्दै देवदह नगरपालिकाको नगर प्रवक्ता तथा वडा नं ५ का वडा अध्यक्ष गणेश डुम्रेले पर्यावरण सँगै पवित्र मन्दिर परिसरलाई अझ स्वच्छ बनाउने उद्देश्यले यो कार्यक्रम आयोजना गरेकोमा क्लबलाई धन्यवाद व्यक्त गर्नुभएको थियो।
कार्यक्रममा लायन सन्दिप कौसोधन, लायन बिष्णु प्रसाद पाैडेल, लायन बिनोद सुवेदी, लायन गुमान सिंह कुवर, लायन मिना गुरुङ, लायन राम बहादुर गुरुङ्ग, लायन दिपेश बिक्रम मल्ल, लायन शोभा थापा, लायन बिनाेद थापा मगर, लायन बिष्णु ज्ञवालि, लायन बिमल प्रसाद भुषाल, लियो श्रदा कुवर तथा दुवै क्लबका सदस्यहरु र मन्दिर ब्यवस्थापन समितिका सदस्यहरुको उपस्थिति रहेकाे थियाे।
कार्यक्रम लायन्स क्लब अफ देवदहका बर्ष २०२३/२४ का अध्यक्ष मन बहादुर क्षेत्रीको अध्यक्षता, लायन्स क्लब अफ देवदह प्राेफेशनल युथका बर्ष २०२३/२४ का अध्यक्ष कमल पाैडेलले स्वागत र देवदह प्राेफेशनल युथका बर्ष २०२३/२४ का सचिव दिपेश पाण्डेको संचालनमा सम्पन्न भएको थियाे।
