देवदह // रुपन्देहीको देवदहमा सामाजिक क्षेत्रमा अग्रहसर दुई संस्था बिचको मैत्रीपुर्ण ब्रदर्श डर्बी फुटबल खेल सम्पन्न भएको छ। देवदह ८ विशालनगरको खेल मैदानमा आयोजित मैत्रीपुर्ण खेलमा सामाजिक सेवा समूहको टिम विजयी भएको छ।
सामाजिक सेवा समूहको टिम
शुक्रबार भएको मैत्रीपुर्ण खेलमा निर्धारित समयमा दुवै टिमबाट २-२ गोलको बराबरीमा सकेपछि खेल ट्राईवेकरमा गएको थियो। लायन्स क्लब अफ देवदह प्रोफेसनल युथका लागि बबिनले २ गोल गरेका थिए भने सामाजिक सेवा समुहका जलन थापा र समिर गिरीले १-१ गोल गरेका थिए। ट्राईवेकरमा खेल सामाजिक सेवा समूहले ४-२ को गोल अन्तरले जित हासिल गरेको हो।
लायन्स क्लब अफ देवदह प्रोफेसनल युथको टिम
फरक नाम तर समाजसेवाको साझा उद्देश्य लिएर स्थापना भएका संस्थाबिचको मित्रलाई अझै बलियो बनाउने उद्देश्य साथ खेलको आयोजना गरिएको हो। विगत ३ वर्ष देखि उक्त मैत्रीपुर्ण खेल खेलिदै आएको छ।
