एजेन्सी । अमेरिकी माइक्रोब्लगिङ वेबसाइट एक्सले छिटै नै दुई ओटा नयाँ प्रिमियम सब्सक्रिप्सन लञ्च गर्ने भएको छ । शुक्रबार ट्विट पोष्टमा कम्पनीका मालिक एलन मस्कले यसको घोषणा गरेका हुन् । एउटा सब्सक्रिप्सन कम मूल्यको सबै फिचरयुक्त हुनेछ । यसमा विज्ञापन हुनेछ । अर्कोको सब्सक्रिप्सन फि केही महँगो हुने अनि यो विज्ञापनरहित हुने बताइएको छ । ट्विटमा मस्कले दुबै प्रिमियम सब्सक्रिप्सनको शुल्क खुलाएका छैनन् । न त यसको लञ्च डेटबारे नै कुनै संकेत गरेका छन् ।
एक्सले मंगलबार मात्रै न्यूजिल्यान्ड र फिलिपिन्सका लागि वार्षिक १ डलरको सब्सक्रिप्सन सेवा शुरु गरेका थियो । यस अघि भने अहिलेको मासिक ८ डलरको प्रिमियम सब्सक्रिप्सनलाई तीन फरक फरक योजनामा एक्सले टुक्र्याउन सक्ने भन्दै समाचारहरू आएका थिए ।
यो समाचार पढेर हजुरले कस्तो महसुस गर्नुभएको छ ??
