एजेन्सी ।
इजरायलकाे गाजा पट्टीमा फसेका दुई वयस्क र नौ बालबालिकासहित दुई परिवारका ११ जना श्रीलङ्काली आज आइतवार स्वदेश फर्किएका छन् । कन्सुलर सेवा विभागले कायरो, रामल्लाह र तेल अभिभमा रहेको श्रीलङ्काका नियोगसँगको सहकार्यमा ११ जना श्रीलङ्कालीलाई स्वदेश फर्काउने व्यवस्थाको समन्वय गरेको मन्त्रालयले जनाएको छ ।
गाजा पट्टीबाट ११ जना श्रीलङ्कालीलाई राफा बोर्डर क्रसिङ हुँदै इजिप्ट प्रवेश गर्न कायरोमा रहेकाे श्रीलङ्काली दूतावासले नोभेम्बर २ मा इजिप्टका अधिकारीहरूसँगको समन्वयमा सहजीकरण गरेको मन्त्रालयले जनाएको छ । परराष्ट्र मन्त्रालयले अन्तर्राष्ट्रिय आप्रवासन सङ्गठनको सहयोगमा स्वदेश फर्कने नागरिकका लागि रसद र हवाई यातायातको व्यवस्था गर्न सहजीकरण गरेको जनाएको छ ।
यो समाचार पढेर हजुरले कस्तो महसुस गर्नुभएको छ ??
