रुपन्देही ।
रुपन्देहीको कञ्चनमा रहेको हरैया बहुमुखी क्याम्पसमा आज अभिभावक भेला सम्पन्न भएको छ । शिक्षाशास्त्र सङ्कायमा अध्ययनरत विद्यार्थीका अभिभावक उपस्थित रहेको यो कार्यक्रमजस्तै निकट भविष्यमा व्यवस्थापन सङ्कायका विद्यार्थीका अभिभावकको पनि भेला गरिने कार्यक्रमका अध्यक्ष दीपक भुसालले जानकारी दिनुभएको छ ।
कार्यक्रममा बोल्दै क्याम्पस प्रमुख प्रकाश खनालले क्याम्पस र विद्यार्थीको हितका लागि अभिभावकको भूमिकामाथि प्रकाश पार्दै भेलामा उपस्थित अभिभावकको प्रशंसा गर्नुभएको थियो । कार्यक्रममा अभिभावकले आआफ्ना सुझाव प्रस्तुत गर्नुभएको थियो। भेलाले १५ सदस्यीय अभिभावक समिति पनि गठन गरेको छ ।
हरैया बहुमुखी क्याम्पसको सामाजिक सम्बन्ध तथा सूचना व्यवस्थापन समितिको आयोजनामा अभिभावक भेला सम्पन्न भएको हो ।
समितिका संयोजक तथा प्राध्यापक दीपक भुसालको अध्यक्षता , क्याम्पस प्रमुख प्रकाश खनालको प्रमुख आतिथ्यता शिक्षाशास्त्र सङ्काय प्रमुख विनोद पौडेलको स्वागत र समितिका सदस्य तथा लेखापाल कपिलमणि पौडेलको सञ्चालनमा सम्पन्न भेलामा झन्डै १०० बढी अभिभावकको उपस्थिति रहेको थियो ।
