काठमाडौं ।
मोबाइल मार्केटिङ एशोसियशन एशियाका अनुसार संसारभरमा करिब ६ अर्ब ८० करोड मानिस छन् । ४ अर्ब २० करोड मानिसको हातमा अझै पनि दाँत माझ्ने ब्रस पुगेको छैन । तर ५ अर्ब १० करोड मान्छेको हातमा मोबाइल छ । अर्थात् मोबाइलको पहुँच टूथब्रशको तुलनामा ९० करोडभन्दा बढी छ ।
विश्वभरमा सबैभन्दा धेरै बिक्ने मोबाइल मोडल नोकिया ११०० हो । तर यो मोडल अहिले बन्द भइसकेको छ । विश्वभरमा यसका २५ करोड थान बिकेको छ । विश्वभर वाटरप्रुफ मोबाइलको पुहँच कम छ । जापान विश्वमा एक मात्रै यस्तो देश हो जहाँ ९० प्रतिशत जनसंख्याको हातमा वाटरप्रुफ मोबाइल छ । दुनियाँमा पहिलो टचस्क्रिन फोन सन् १९९३ मा बनाइएको थियो । यो फोनलाई बेलसाउथ सेलुलरले बनाएको थियो । आईबीएमले यसको डिजाइन तयार पारेको थियो । यो मोबाइललाई सिमोन नाम दिइएको थियो ।
स्मार्टफोन बनाउन एउटै मात्र तकनिकीको प्रयोग गरिँदैन । करिब २ लाख सानातिना स–साना पेंडेंट र तकनिकी जोडेर यसलाई बनाइन्छ । विश्वको पहिलो मोबाइल मोटोरोलाको डायना टीएसी ८०००एक्स थियो । यसलाई मोबाइल फोन निर्माता कम्पनी मोटोरोलाका वरिष्ठ कर्मचारी मार्टिन कूपरले सन् १९७४ को अप्रिल ३ मा बनाएका थिए । यसको तौल १.१ केजी थियो ।
मोबाइल फोन खास भन्ने हो भने कुराकानी गर्नका लागि बनाइएको हो । तर अहिले यसको सबैभन्दा धेरै प्रयोग चाँहि घडी हेर्न हुन्छ । मान्छेहरुमा मोबाइलको लत यस्तो भइसक्यो कि यो बिना एक क्षण पनि बस्न सक्दैनन् । ९० प्रतिशत युवाहरुले २४ सैं घन्टा आफ्नो साथमा मोबाइल फोन राख्छन् । यी मध्ये ४७ प्रतिशतले आफू मोबाइल फोनसँग बस्न नसक्ने बताएका थिए ।
एजेन्सी ।
