एजेन्सी ।
दक्षिण भारतीय सुपरस्टार प्रभासको फिल्म ‘सलार’प्रति दर्शकको क्रेज कम भएको छैन । रिलिजको दिन देखिनै फिल्मले राम्रो आम्दानी गरिरहेको छ । फिल्मले चौथो दिन अर्थात सोमबार ४२ करोड ५० लाखको ब्यवसाय गरेको छ । यसको साथै फिल्मको भारतीय बक्सअफिस कलेक्सन २५१ करोड ६० लाख रुपैयाँ पुगेको छ ।
‘सलार’ले रिलिजको फष्ट सोमबार कलेक्सन एनिमलाई उछिन्ने अपेक्षा गरिएको थियो । क्रिसमस भएको कारण पनि यो अपेक्षा गरिएको हो । तर ‘सलार’ले पहिलो सोमबार ४२.५० कमाएर एनिमल भन्दा पछि नै रह्यो । रणवीरको फिल्म एनिमलले पहिलो सोमबार ४३.९६ करोड कमाएका थियो ।
‘सलार’ले नर्थ अमेरिकामा अहिलेसम्म ६.४ मिलियन डलर कमाएको छ । फिल्मको अहिलेसम्मको कलेक्सन ४५० करोड भन्दा बढी रहेको छ ।
यो समाचार पढेर हजुरले कस्तो महसुस गर्नुभएको छ ??
