काठमाण्डौ ।
पछिल्लो दुई दिन निरन्तर उकालो लागेको नेपाल स्टक एक्सचेञ्ज (नेप्से) परिसूचकले बुधबार आज पनि निरन्तरता पाएको छ । आज नेप्से परिसूचक ९ दशमलव ५० अङ्कले बढेर दुई हजार ८९ दशमलव ६२ को बिन्दुमा कायम भएको हो ।
बुधबार तीन सय एक कम्पनीको एक करोड ३४ लाख ७७ हजार ९ सय ४६ कित्ता शेयर ९२ हजार छ सय दुई पटक खरिदबिक्री हुँदा पाँच अर्ब १३ करोड ४८ लाख ४८ हजार सात सय ८९ बराबरको कारोबार भएको छ भने विकास बैंक समूह शून्य दशमलव ४४, वित्त शून्य दशमलव १०, होटल तथा पर्यटन समूह शून्य दशमलव ८४ र जलविद्युत समूह शून्य दशमलव ५० प्रतिशतले घटेको छ ।
कारोबार रकम र शेयर सङ्ख्याका आधारमा बुधबार सबैभन्दा धेरै सोनापुर मिनरल्स एन्ड आयल लिमिटेडको ३२ करोड ७८ लाख ९१ हजार छ सय १३ बराबरको छ लाख ३४ हजार पाँच सय ९३ कित्ता शेयर कारोबार भएको छ ।
यो समाचार पढेर हजुरले कस्तो महसुस गर्नुभएको छ ??
