बारा ।
बलात्कार गरेको अभियोगमा बारामा एकजना पक्राउ परेका छन् । जिल्ला प्रहरी कार्यालयमा परेको उजुरीको आधारमा शनिबार झारफुक गर्ने बहानामा १३ वर्षीय नाबालिगलाई बलात्कार गरेको आरोपमा एक पुरुषलाई पक्राउ गरिएको प्रहरीले जनाएको छ ।
प्रहरीका अनुसार बाराको महागढीमाई नगरपालिका–२ बस्ने ३० वर्षीय आकाश मण्डल जबरजस्ती करणी गरेको आरोपमा पक्राउ परेका हुन् । प्रहरीका अनुसार केही समयदेखि झारफुक गर्ने काम गर्दै आएका मण्डलकोमा झारफुक गराउन पुगेकी बालिकालाई जबरजस्ती करणी गरेको प्रारम्भिक अनुसन्धानबाट खुलेको छ । उनलाई प्रहरी हिरासतमा राखी अनुसन्धान जारी रहेको प्रहरीले जनाएको छ ।
यो समाचार पढेर हजुरले कस्तो महसुस गर्नुभएको छ ??
