काठमाण्डौ ।
अमेरिकी बहुराष्ट्रिय लगानी बैंक सिटी ग्रुपले हजारौँ कर्मचारीलाई कामबाट निकाल्दैछ । बैंकले विश्वभर रहेका आफ्नो कूल कर्मचारीमध्येबाट १० प्रतिशतलाई हटाउने भएको छ । यो योजनामा करिब २० हजार कर्मचारीले जागिर गुमाउने देखिएको छ ।
सन् २०२३ को शुरुमा विश्वभर बैंकले २ लाख ४० हजारलाई जागिर दिएको थियो । सन् २०२५ वा २०२६ सम्ममा यो संख्या घटाएर १ लाख ८० हजारमा ल्याइने आशा गरिएको छ । बैंकको पुनःसंरचनाका लागि यो वर्ष मात्रै १ अर्ब डलर खर्च हुने अनुमान गरिएको छ । तर मध्यकालीन अवधिमा यो पहलबाट बैंकले साढे २ अर्ब डलर बचाउनेछ । सिटी ग्रुप अमेरिकाको पाँच ठूला बैंकहरुमध्ये पर्दछ ।
यो समाचार पढेर हजुरले कस्तो महसुस गर्नुभएको छ ??
