काठमाण्डौ ।
राष्ट्रिय सभाका १९ सिटका लागि लागि बिहीबार सात वटै प्रदेशमा मतदान सम्पन्न भएको छ । आगामी फागुन २० गतेबाट रिक्त हुने २० मध्ये १९ सिटका लागि आज बिहीबार बिहान ९ बजेदेखि ३ बजेसम्म मतदान भएको हो ।
कोशी प्रदेशको विराटनगर, मधेश प्रदेशको जनकपुर, बागमती प्रदेशको हेटौंडा, गण्डकी प्रदेशको पोखरा, लुम्बिनी प्रदेशको दाङ, कर्णाली प्रदेशको सुर्खेत र सुदूरपश्चिम प्रदेशको धनगढीमा मतदान केन्द्र तोकिएको थियो ।
१९ सिटका लागि आठ वटा राजनीतिक दलका ४७ जना उम्मेदवार मैदानमा रहेका छन् । सबै प्रदेशमा आजै मतगणना भएर साँझसम्ममा नतिजा आईसक्ने जनाइएको छ ।
यो समाचार पढेर हजुरले कस्तो महसुस गर्नुभएको छ ??