रुपन्देही ।
रुपन्देहीको देवदह ३ मा उद्घोषण तथा माईन्युट लेखन तालिम सम्पन्न भएको छ । बोधि मिडिया प्रा.लि को आयोजना तथा देवदह नगरपालिका वडा नं ३ को आर्थिक सहयोगमा आमा समूहको पदाधिकारी तथा सदस्यहरुलाई १ हप्ते माईन्युट लेखन तथा उद्घोषण तालिम सम्पन्न भएको हो ।
कार्यक्रमका प्रमुख अतिथी देवदह नगरपालिका वडा नं ३ का वडा अध्यक्ष यज्ञ अर्यालले तालिमको उद्घाटन गर्दै सामाजिक राजनीतिक रुपमा अघि बढ्न तथा क्षमता वृद्धि गर्नका लागि यो तालिम महत्वपूर्ण रहेको बताउनुभयो । उहाले महिलाहरुलाई ससक्तिकरण गर्ने उदेश्यले तालिमको आयोजना गरिएको बताउदै महिलाहरु आत्मनिर्भर भए मात्रै समाज परिवर्तन हुने बताउनुभयो ।
बोधि मिडियाका अध्यक्ष मिन रानाको अध्यक्षतामा भएको कार्यक्रममा कार्यपालिका सदस्य टिकिसरा सुनार, प्रशिक्षक सोनु थापा, प्रशिक्षार्थीको तर्फबाट युमाया कामु, निर्मला जिसी, केशरी गैरे, पवित्रा न्यौपाने लगाएतले आ-आफ्नो भनाई राख्नु भएको थियो। कार्यक्रम वडा सदस्य झम कुमारी थापाको स्वागत र निर्मल एस पी मगरको सञ्चालनमा सम्पन्न भएको थियो।
