देवदह ।
रुपन्देहीको देवदह-२, ढेकावरमा अवस्थित नमूना एभरग्रीन इङ्लिस बोर्डिङ स्कुलमा अभिभावक अभिमुखीकरण कार्यक्रम सम्पन्न भएको छ । विद्यालयले आज एक कार्यक्रमका बिच मोन्टेश्वरी देखी कक्षा ५ सम्म अध्ययनरत विद्यार्थीका अभिभावकहरुसंग अभिमुखीकरण कार्यक्रम सम्पन्न गरेको हो ।
कार्यक्रममा बोल्दै विद्यालयका प्रबन्ध निर्देशक विष्णुप्रसाद पौडेलले आगामी दिनमा अझै बालमैत्रीपूर्ण वातावरणको विकास गरेर सिकाइ सहजीकरण गर्दै लैजाने र फरक ढङ्गबाट शिक्षण सिकाइ गरिने योजना रहेको समेत बताउनुभयो । कान्तिपुर बाल विकास समितिका प्रबन्ध निर्देशक भिष्म मणि पाण्डे को सहजीकरणमा उक्त कार्यक्रम सम्पन्न भएको थियो ।
कार्यक्रममा करिब २५० जना अभिभावकहरू संगै शिक्षक अभिभावक सङ्घका पदाधिकारीहरुको समेत उपस्थिति रहेको थियो। कार्यक्रम विद्यालयका प्रबन्ध निर्देशक बिष्णु प्रसाद पौडेलको अध्यक्षता तथा विद्यालयका प्रिन्सिपल कमल पौडेलको सञ्चालनमा सम्पन्न भएको थियो ।
