देवदह ।
रुपन्देहीको देवदह-७ स्थित सगरमाथा आवासीय मा.विमा युआई/युएक्स डिजाईन प्रतियोगिता सम्पन्न भएको छ। विद्यालयको कक्षा ११ र १२ मा अध्ययन गर्ने विद्यार्थीहरुलाई आई टि क्षेत्रको आकर्षण सगैँ उद्यमशीलता विकास गर्ने उद्देश्यले स्वर्णिम आई टि क्लबको सक्रियतामा युआई/युएक्स डिजाईन कार्यक्रम प्रतियोगीताको रुपमा सम्पन्न गरिएको हो ।
प्रतियोगितामा सन्देश सारु मगर प्रथम, भरत राना द्धितिय र सन्देश रेग्मी ले तृतीय स्थान हासिल गरेको थिए । विद्यालयको आई टि क्लबका अध्यक्ष साहिल सोमरेको अध्यक्षतामा भएको कार्यक्रममा प्राचार्य कृष्ण प्रसाद पौडेल, सह प्राचार्य प्रदिप अधिकारी लगाएतको आतिथ्यता रहेको थियो।
विद्यालयको अतिरिक्त क्रियाकलाप संयोजक भिम कुमारी गुरुङ्ग र दिपेश मल्लको विशेष सक्रियतामा संचालीत उक्त कार्यक्रममा आई टि उद्यमी लोकेन्द्र जर्घा मगरले निर्णायकको भूमिका निर्वाह गर्नुभएको थियो । कार्यक्रम आई टि क्लबको सचिव शिक्षा पौडेलको सञ्चालनमा सम्पन्न भएको थियो ।
