देवदह ।
रुपन्देहीको देवदहमा आयोजित आठौँ राष्ट्रिय देवदह औद्योगिक व्यापार मेला, कृषि तथा पर्यटन महोत्सवमा संचालित डान्सिङ आईडियलको उपाधि अनुराग काफ्लेले जितेका छन। सोमबार घोषणा भएको नतिजा अनुसार ९३.८३ प्रतिशत अंक प्राप्त गरेर अनुराग विजेता भएका हुन् ।
७० प्रतिशत जज मार्क्स र ३० प्रतिशत भोटिङ्ग मार्क्स अनुसार मुल्यांकन गरिएको प्रतियोगितामा सर्वाधिक अंक प्राप्त गरेर अनुराग देवदह प्रदर्शनी आइडियल २०८० को विजेता बनेका हुन् । डान्सिङ आईडियलको उपविजेता रक्षा पुन बनेकी छन् । उनले ८६.७२ अंक प्राप्त गरेर उपविजेतामा आफ्नो स्थान पक्का गरेकी हुन्।
त्यसैगरि ८५.०२ अंक प्राप्त गर्दै रिमा कुमारी परियार आइडियलको दोस्रो उपविजेता बनेको डान्सिङ आईडियलका संयोजक कमला अर्यालले जानकारी दिईन्। माघ २२ गते भएको अडिसनबाट छनौट भएका २० जना प्रतियोगीबाट प्रस्तुति र दर्शकको भोटको आधारमा छनौट गर्दै ‘टप फाइभ’बाट सोमबार विजेता र उपविजेता घोषणा गरिएको हो ।
डान्सिङ आईडियलमा विजेता हुनेलाई ३० हजार र उपविजेतालाई २० हजार र दोस्रो उपविजेतालाई १० हजार नगद सहित ट्रफी र प्रमाण पत्र प्रदान गरिएको छ ।
