एजेन्सी ।
रुस र युक्रेनबीचको युद्ध ३ वर्षमा प्रवेश गर्दा झन्डै ५० हजार सर्वसाधारण मारिएको युक्रेनले जनाएको छ । युक्रेनले सार्वजनिक गरेको तथ्यांक अनुसार झन्डै ५० हजार सर्वसाधारण मारिएको हो । तथ्यांकमा रुस र युक्रेन सैनिकको मृत्यु र घाइतेको संख्या समावेश गरिएको छैन ।
रुसले सन् २०२२ को फेब्रुअरी २४ देखि युक्रेनमाथि आक्रमण शुरु गरेपछि पटक पटक सार्वजनिक गरिएको तथ्यांकमा ७० हजार युक्रेनी सैनिकको ज्यान गएको र एक लाखको हाराहारीमा घाइते भएको उल्लेख गरिएको थियो ।
युद्धकै क्रममा रुसले युक्रेनको झन्डै १८ प्रतिशत भूभाग नियन्त्रणमा लिइसकेकोे छ । जसमध्ये क्राइमिया प्रायद्वीपलाई रुसले सन् २०१४ मा आफ्नो देशमा गाभेको थियो भने डोनेट्स्क र लुहान्स्कलाई पनि कब्जा गरिसकेको छ । युद्ध तेस्रो वर्षमा प्रवेश गरिसक्दा पनि लडाइँ सकिने कुनै लक्षण देखिएको छैन ।
यो समाचार पढेर हजुरले कस्तो महसुस गर्नुभएको छ ??
