देवदह ।
तेश्रो मेयर रनिङ्ग कप वडास्तरीय फुटवल प्रतियोगिताको उपाधीका लागि वडा नम्वर ५ र वडा नम्वर १२ वीच प्रतिस्पर्धा हुने भएको छ । सम्पन्न पहिलो सेमिफाईनल खेलमा वडा नम्वर ५ ले वडा नम्वर ३ लाई हराउदै फाईनलमा प्रवेश गरेको हो भने दोश्रो सेमिफाईलन खेलमा वडा नम्वर १२ ले वडा नम्वर ७ लाई हराउदै फाईनलमा प्रवेश गरेको हो ।
प्रतियोगिता अन्र्तगत भएको पहिलो सेमिफाईनल खेलमा वडा नम्वर ७, लाई सून्यका विरुद्ध ५ गोल गर्दै वडा नम्वर १२ विजयी भएको हो । खेलको पहिलो हाफमा एक गोल गरेको वडा नम्वर १२ ले दोश्रो हाफमा थप ४ गोल गर्दै सून्यका विरुद्ध ५ गोल अन्तरले विजयी भएको हो । पहिलो हाफको २० औं मिनेटमा जर्सी नम्वर ७ का दिलिपराज भरले एक गोल गर्दै टिमलाई अग्रता दिलाएका थिए ।
यसैगरी दोश्रो हाफको २ मिनेटमा जर्सी नम्वर ११ का खेलाडी सन्दिप सुस्लिङ्गले एक गोल, त्यसैगरी खेलको ८ औं मिनेटमा जर्सी नमवर ७ का खेलाडी दिलिपराज भरले थप एक गोल गर्न सफल भएको थियो । यसैगरी जर्सी नम्वर १० का खेलाडी मदन गाहाले खेलको १३ औं र १७ औं मिनेटमा गरी २ गोल गरेका थिए । यसैगरी दोश्रो सेमिफाईनलमा सून्यका विरुद्ध एक गोल गर्दै वडा नम्वर ५ विजयी भएको छ । निकै प्रतिस्पर्धात्मक रहेको खेलमा अन्तिम समयमा वडा नम्वर ५ का जर्सी नम्वर ७ का खेलाडी सुमन थापाले गरेको गोल नै निर्णायक हुन पुग्यो । यता वडा नम्वर ३ ले खेलमा गोल गर्ने धेरै अवसर प्राप्त गरेपनि गोल गर्न नसकेपछि खेलबाट बाहिरिएको छ ।
