काठमाण्डौ ।
आज पनि सुनको मूल्य घटेको छ । हिजो आइतबार तोलामा ४०० रुपैयाँले घटेको सुनको मूल्य आज ५०० रुपैयाँले घटेको नेपाल सुनचाँदी व्यवसायी महासंघले जनाएको छ । आज छापावाल सुनको मूल्य तोलामा १ लाख २४ हजार ५०० रुपैयाँ तोकिएको छ भने तेजाबी सुनको मूल्य तोलामा १ लाख २३ हजार ९०० रुपैयाँ रहेको महासङ्घले जनाएको छ ।
हिजो आइतबार छापावाल सुनको मूल्य तोलामा १ लाख २५ हजार र तेजाबी सुनको मूल्य तोलामा १ लाख २४ हजार ४०० रुपैयाँ थियो । यस्तै आज चाँदीको मूल्य पनि घटेको छ । महासंघका अनुसार आज १० रुपैयाँले घट्दै चाँदीको मूल्य प्रतितोला १५ सय २० रुपैयाँ कायम छ । हिजो चाँदीको मूल्य तोलामा १५ सय ३० रुपैयाँ थियो ।
यो समाचार पढेर हजुरले कस्तो महसुस गर्नुभएको छ ??
