एजेन्सी ।
इन्डियन प्रिमियर लिग (आईपीएल) क्रिकेटको १७ औँ संस्करणको सबै खेल भारतमै खेलिने भएको छ । लोकसभा चुनावका कारण भारतीय क्रिकेट कन्ट्रोल बोर्ड (बीसीसीआई) ले यसअघि केही खेलको तालिका मात्र सार्वजनिक गरेको थियो । अहिले बीसीसीआईले आईपीएलको सम्पूर्ण तालिकाका सार्वजनिक गरेको छ । आईपीएलको फाइनल खेल आगामी मे २६ तारिखमा चेन्नईमा खेलिने समाचारमा जनाइएको छ । क्वालिफायर खेल अहमादाबाद र चेन्नईमा खेलिने छ ।
पहिलो क्वालिफायर र इलिमिनेटर खेल क्रमशः मे २१ र २२ तारिखमा अहमादाबादस्थित नरेन्द्र मोदी स्टेडियममा खेलिने छ । दोस्रो क्वालिफायर र फाइनल खेल क्रमः मे २४ र २६ तारिखमा चेन्नईको चेपाकमा खेलिने समाचारमा जनाइएको छ ।
यो समाचार पढेर हजुरले कस्तो महसुस गर्नुभएको छ ??
