रुपन्देही ।
रूपन्देहीको देवदह-५ खैरेनीमा अवस्थित
देवदह बुद्ध पब्लिक आवसिय मा.वि.ले अभिभावक अभिमुखिकरण कार्यक्रम सम्पन्न गरेको छ। स्कूलले आज एक कार्यक्रमविच अभिभावक अभिमुखीकरण कार्यक्रम सम्पन्न गरेको हो। कार्यक्रममा बोल्दै देवदह नगरपालिका वडा नं ३ का वडा अध्यक्ष यज्ञ प्रसाद अर्यालले बुद्ध पब्लिक देवदहकै उत्कृष्ट शैक्षिक संस्थाको रुपमा विकसित भएको बताउदै अगामी दिनमा पनि गुणस्तरीय शिक्षा प्रदान गरिरन आग्रह गर्नुभयो । उहाले आफु विद्यालय संग विगत १५ वर्ष देखी जोडिएर सिकेका कुरा अहिले आफ्नो वडाको विकासमापनि लागु गर्न चाहेको बताउनुभयो ।
वडा अध्यक्ष अर्यालले कुल बजेट को १५% शिक्षामा लगानी लगाउन पर्छ भन्नेमा आफु सकारात्मक रहेको र वडाको बजेटमा शिक्षालाई प्राथमिकता दिएको बताउनुभयो । उहाले अभिमुखिकरण कार्यक्रमबाट सिकेका कुरा व्यवहार उतार्न सके जीवनमा सकारात्मक परिवर्तन आउने समेत बताउनुभयो ।
कार्यक्रमको सहजीकरण डा.तारा प्रसाद गैरेले गर्नुभएको थियो। अभिभावक अभिमुखिकरण कार्यक्रममा ८ सय भन्दा बढी अभिभावकको सहभागिता रहेको विद्यालयका प्रिन्सिपल कृष्ण प्रसाद गैरेले बताउनुभयो।
कार्यक्रम विद्यालय व्यवस्थापन समितिका उपाध्यक्ष हरि प्रसाद ढुङ्गानाको अध्यक्षता, विद्यालयका प्रिन्सिपल कृष्ण गैरेको स्वागत र शिक्षक अनन्तराम भण्डारीको सञ्चालनमा सम्पन्न भएको थियो।
