काठमाण्डौ ।
महोत्तरीको मठिहानी नगरपालिका- ६ मा भीषण आगलागी भएको छ । मदरसा टोलमा बुधबार दिउँसो १ बजे सल्केको आगोबाट अहिलेसम्म १०० भन्दा बढी घर जलेर नष्ट भएको छ ।
त्यहाँ १० वटा दमकल ३०० भन्दा बढी सुरक्षाकर्मी परिचालन भएको छ । आगो नियन्त्रणको प्रयास भइरहेको महोत्तरीका डीएसपी सन्तुलाल जयसवालले बताए ।
आगलागीमा सयौं घर जलिसकेको मटिहानी नगरपालिकाका मेयर हरिप्रसाद मण्डलले बताए । उनका अनुसार दिउसोको समय भएकोले हावा तीव्र गतिमा चलिरहेको र चर्काे घाम कारण १० वटा दमकल ३०० भन्दा बढी सुरक्षाकर्मी परिचालन गर्दा समेत आगलागी नियन्त्रणमा लिन कठिन भइरहेको छ भने पीडितहरुको पनि भागाभाग मच्चिएको छ ।
यो समाचार पढेर हजुरले कस्तो महसुस गर्नुभएको छ ??
