काठमाण्डौ ।
चुनावी प्रचारप्रसार तीव्र भइरहँदा नयाँ दिल्लीका मुख्यमन्त्री अरविन्द केजरीबाल अरबिन्द केजरीवाललाई अदालतले केही राहत दिएको छ । भारतको सर्वोच्च अदालतले शुक्रबार अन्तरिम जमानतको याचिकामा केजरीवालको पक्षमा फैसला गरेको हो । फैसला सुनाउँदै अदालतले एक जुनसम्मको लागि उनलाई अन्तरिम जमानत दिएको छ ।
जाँच एजेन्सी प्रवर्तन निदेशालय (ईडी)ले अरबिन्द केजरीवालको जमानत याचिकाको विरोध गरेको थियो । ईडीले चार्ज शिट दर्ता गराउँदै केजरीवाल र उनको पार्टी आम आदमी दल (आप)लाई घेर्ने योजना बनाएको थियो। ईडीले रक्सी घोटालाका मुख्य अभियुक्त नै केजरीवाल भएको बताएको छ ।
रक्सी घोटालामा ईडीले अहिलेसम्म १८ जनालाई पक्राउ गरेको छ । केही समय अघि सञ्ज सिंहलाई पनि जमानत दिइएको थियो । के कविताको जमानत मामिलामा सर्वोच्च अदालतले इडीलाई नोटिस जारी गर्दै २ हप्तामा जवाफ दिन भनेको छ ।
-एजेन्सी
