काठमाण्डौ ।
गर्मीमा कागती पानी कागती पानी धेरैलाई मनपर्छ। यो पेयले शरीरलाई डिहाइड्रेसनबाट बचाउने मात्र होइन, कागती पानी पिउनाले धेरै स्वास्थ्य लाभहरू पनि प्रदान गर्दछ। कागतीमा भिटामिन सी पाइने हुनाले तातो गर्मीमा शरीरलाई स्फूर्ति दिने र रोग प्रतिरोधात्मक क्षमता बलियो बनाउने लगायतका धेरै फाइदाहरू छन् । तर त्यस्ता फाइदाहरू प्राप्त गर्न तपाईं यसलाई धेरै मात्रामा उपभोग त गर्दै हुनुहुन्न?
अध्ययनहरूले कागती पानी पिउने विभिन्न प्रकारका स्वास्थ्य लाभहरू देखाएको छ, जसमा शरीरमा पानीको मात्रा बढाउने, तौल घटाउन मद्दत गर्ने, र भिटामिन सी बढाउने गर्ने समावेश छ । तर स्वास्थ्य विज्ञहरू भने यसलाई ठिक मात्रामा मात्रै सेवन गर्नुपर्ने बताउँछन् ।
धेरै कागती पानी पिउनु वा गलत तरिकाले सेवन गर्दा दाँतदेखि समग्र स्वास्थ्य सम्म धेरै तरिकाले हानि हुन सक्छ।
- यसका फाइदाहरू के के छन् ?
- कागती धेरै प्रकारका पोषक तत्त्वहरूले भरिपूर्ण मानिन्छ, मुख्यतया यो भिटामिन सी को उत्कृष्ट स्रोत हो। यसलाई मुटुको स्वास्थ्यका लागि राम्रो मानिन्छ र केही अध्ययनले खाली पेटमा मनतातो पानीमा कागती र मह मिसाएर सेवन गर्नाले तौल नियन्त्रणमा मद्दत पुग्ने पत्ता लागेको छ ।कागती पानीले तपाईंलाई मिर्गौलाको पत्थरीबाट जोगाउन, एनिमियाको जोखिम कम गर्न र पाचन स्वास्थ्य सुधार गर्न पनि सहयोगी हुन्छ। यी फाइदाहरू बाहेक, कागती पानी पिउने धेरै साइड इफेक्टहरू पनि हुन सक्छन् जसको बारेमा जान्न महत्त्वपूर्ण छ।
- यो दाँतका लागि धेरै हानिकारक छ
कागतीको रसमा ५ देखि ६ प्रतिशत साइट्रिक एसिड पाइने स्वास्थ्य विज्ञहरू बताउँछन् । यसको अत्यधिक सेवनले कागती पानीमा रहेको एसिडको सम्पर्कमा आउने कारणले दाँतको इनामेललाई ठुलो क्षति पुर्याउन सक्छ। धेरै कागती पानी पिउँदा डेन्टिनसहित दाँतको कडा बाहिरी तहलाई नोक्सान पुग्न सक्छ। डेन्टिन इनामेल मुनिको तह हो जसले स्नायुको सुरक्षा गर्छ र दाँतको मुख्य सहायक संरचना हो।
धेरै मात्रामा कागती पानी वा सिट्रस फलफूल सेवन गर्ने मानिसमा पेटसम्बन्धी विभिन्न समस्या हुने खतरा हुन्छ । यसको अधिक मात्राले एसिड रिफ्लक्स, ग्यास्ट्रोइन्टेस्टाइनल समस्या, वाकवाकी र बान्ता जस्ता समस्याहरू निम्त्याउन सक्छ। धेरै मात्रामा कागती पानी पिउँदा पेटमा एसिडिटी बढ्ने खतरा हुन्छ । पहिलेदेखि नै मुटुको समस्या भएका मानिसहरूले धेरै मात्रामा कागती पानी पिउनु हुँदैन।
- पेटको समस्या
-
- यी सावधानीहरू ख्याल गर्नुहोस्
कागती पानीको साइड इफेक्टबाट बच्न केही उपायहरू फाइदाजनक हुन सक्छन्।
-कागतीको रस र चिसो पानीको अनुपात मिलाउनुहोस्। चिसो पानीले कागतीको घुलनशीलता कम गर्छ त्यसैले यसले इनामेललाई कम क्षति पुर्याउँछ।
- -कागती पानी पिउनका लागि स्ट्रको प्रयोग गर्नुहोस् र यो दाँतसँग सीधा सम्पर्कमा आउँदैन।
-कागती पानी पिएपछि राम्ररी कुल्ला गर्नुहोस्।
-साइट्रिक एसिडको प्रभावलाई कम गर्न कागती पानी पिउने एक घण्टापछि दाँत राम्ररी माझ्नुहोस्।
