काठमाण्डौ ।
इन्डियन प्रिमियर लिग (आईपीएल) मा आज डबल हेडर खेलिनेछ। आजको दोस्रो खेल राजस्थान रोयल्स र कोलकाता नाइट राइडर्सबिच हुनेछ । खेल बेलुका ७ः४५ बजेदेखि गुवाहाटीस्थित बार्सपारा क्रिकेट रंगशालामा हुनेछ । आज राजस्थानसँग अंक तालिकामा दोस्रो हुने मौका छ।
टोली १६ अंकसहित तालिकाको तेस्रो स्थानमा छ । दोस्रो स्थानमा रहने टोलीले फाइनल पुग्ने दुईवटा मौका पाउँछ। जबकि तेस्रो स्थानमा रहेको टोलीले फाइनलमा पुग्न २ खेल खेल्नुपर्नेछ ।
- हेड टू हेड:
कोलकाता र राजस्थानबिच आईपीएलमा हालसम्म जम्मा २९ खेल खेलिएका छन्। जसमध्ये दुवै टोलीले १४–१४ ले जितेका थिए भने एउटा खेल भने नतिजाविहीन बनेको थियो । यी दुई टोली सिजनमा दोस्रो पटक भिड्दैछन् । पहिलो खेलमा राजस्थान २ विकेटले विजयी भएको थियो । -एजेन्सी
यो समाचार पढेर हजुरले कस्तो महसुस गर्नुभएको छ ??
