काठमाण्डौ ।
भारतको राजधानी नयाँ दिल्लीमा नयाँ दिल्लीमा पानी खेर फाल्न नदिन जरिवाना लगाइने भएको छ । दिल्ली सरकारका जलमन्त्री आतिशीले दिल्ली जल बोर्डका सीईओलाई पत्र लेखेकी छिन् ।
मन्त्री आतिशीले निर्देशमा २०० वटा टोली बनाउन भनिएको छ । पानीले गोडा धुन, पानीको ट्यांकी ओभरफ्लो हुने, घरेलु पानीको कनेक्शनलाई व्यवसायीक प्रयोजनमा चलाउने आदिलाई पानीको बरबादी मानिनेछ। पानी खेर फ्याक्नेलाई २ हजार रुपयाँ जरिवाना लगाउने बताइएको छ । ‘पानीको बरबादी रोक्न यी टोलीहरू नियुक्त गरिएको हो,’ आतिशीले भनेकी छिन्, ‘गाडी धुने र ट्याङ्की ओभरफ्लो गर्दा पानीको बरबादी भएमा जरिवाना तिराइनेछ । निर्माण वा व्यापारिक स्थानमा अवैध जडानहरू पनि विच्छेद गरिनेछ ।’
चरम गर्मीमा हरियाणाले दिल्लीको हिस्साको पानी नछोडेको आरोप पनि उनले लगाएकी छन् । ‘यस्तो अवस्थामा पानीको समुचित प्रयोग आवश्यक भएको छ, त्यसैले कडा कदम चालिएको छ,’ उनको भनाइ छ ।
-एजेन्सी
