दाङ ।
दाङमा मोटरसाइकल दुर्घटनामा परी एक जनाको मृत्यु भएको छ। बाँकेको कोहलपुर नगरपालिका-१० का ५६ वर्षीय पोष्करबहादुर सुनारको मृत्यु भएको जिल्ला प्रहरी कार्यालय दाङले जनाएको छ ।
आज सोमबार बिहान साढे ९ बजे दुर्घटनामा परी गम्भीर घाइते भएका सुनारको उपचारका लागि दाङको लमही अस्पताल पुर्याइएको थियो। त्यहाँ उपचारको क्रममा बिहान ११ बजे मृत्यु भएको प्रहरीले जनाएको छ।
सुनारले चलाएको रा३प ७११४ नम्बरको मोटरसाइकल पूर्व-पश्चिम राजमार्ग अन्तर्गत अमिलिया हुँदै लमही जाँदै गर्दा लमही नगरपालिका–८ असानी भन्ने स्थानमा दुर्घटनामा परेको थियो। मोटरसाइकल आफै अनियन्त्रित भएर दुर्घटनामा परेको प्रहरीको भनाई छ ।
यो समाचार पढेर हजुरले कस्तो महसुस गर्नुभएको छ ??
