काठमाण्डौ ।
आज ब्याडमिन्टन खेलाडी प्रिन्स दाहालले समुह चरणको दोस्रो खेलमा आयरल्याण्डका नाहट एन्गुएनको सामना गर्दैछन । खेल पेरिसको ला चापेल एरिनामा नेपाली समय अनुसार राती १ बजे हुनेछ ।
समुहको पहिलो खेलमा नेपालका प्रिन्सलाई डेनमार्कका भिक्टर अक्सेल्सनले २÷० को सोझो सेटमा हराएका थिए । आइरिस खेलाडी एन्गुएनले भने पहिलो खेलमा इजरायलका मिसा जिल्बरम्यानलाई २÷१ को सेटमा पराजित गरेका थिए ।
समुह पि मा रहेका प्रिन्स यो समुहका चारमध्ये सबैभन्दा तल्लो वरियताका खेलाडी हुन् । डेनिस खेलाडी अक्सेल्सन पुरुष एकलको वरियतामा शीर्ष नम्बरमा रहेका छन् भने आयरल्याण्डका एन्गुएन ४२औं तथा इजरायलका जिल्बरम्यान ५१औं वरियतामा रहेका छन्।
नेपालका प्रिन्स भने १७९ औं स्थानमा छन् । पेरिस ओलम्पिकमा सहभागि सातमध्ये तीन नेपाली खेलाडी पहिलो खेलबाटै बाहिरिएका छन् ।
टेबल टेनिसका स्यान्टु श्रेष्ठ, शुटिङ्गकी सुस्मिता नेपाल र पौडीकी डुवाना लामा प्रारम्भिक चरणबाटै बाहिरिएका हुन् ।
