देवदह । रुपन्देहीको देवदहमा चित्रकला तथा वक्तित्वकला प्रतियोगिता सम्पन्न भएको छ । निजि तथा आवासीय विद्यालय अर्गनाइजेसन प्याब्सन देवदहको आयोजनामा आधारभूत तह स्तरीय चित्रकला प्रतियोगिता र आधारभूत तथा माध्यमिक तह स्तरीय वक्तित्वकला प्रतियोगिता सम्पन्न भएको हो।
चित्रकला प्रतियोगितामा विद्यालयका एशियन लाईट ई.बो स्कुलको जेनिशा घर्ती मगर प्रथम सेभेन स्टार ई.बो स्कुलको प्रकृति गुरुङ द्वितीय, ग्रीन प्लान्ट ई.बो स्कुलको समन्वय पौडेल तृतीय र सरस्वती शिक्षालयको दिपसन धमेनाले सान्त्वना स्थान हासिल गरेका छन् ।
त्यस्तै आधारभूत तह स्तरीय बक्तित्वकला प्रतियोगितामा सेभेन स्टार ई.बो स्कुलको सन्ध्या भट्टराई प्रथम, बुद्ध पब्लिक ई.बो स्कुलको अनुस्का भण्डारी द्वितीय, एशियन लाईट ई.बो स्कुलको हंसराज यादव तृतीय र मदरल्याण्ड एकेडेमीको प्रभा कार्कीले सान्त्वना स्थान प्राप्त गरेका थिए।
यसैगरी माध्यमिक तह स्तरीय बक्तित्वकला प्रतियोगितामा मदरल्याण्ड एकेडेमीको प्रेरणा न्यौपाने प्रथम, ग्रीन प्लान्ट ई.बो स्कुलको स्वीकृति न्यौपाने द्वितीय, बुद्ध पब्लिक ई.बो स्कुलको दीक्षा केसी तृतीय र एशियन लाईट ई.बो स्कुलको आकाश वसेल सान्त्वना स्थान प्राप्त गर्न सफल भएका छन्। प्रतियोगितामा विजेता विद्यार्थीहरुलाई शिल्ड, मेडल र प्रमाणपत्रले पुरस्कृत गरिएको थियो।
कार्यक्रम प्याब्सन देवदहका नगर अध्यक्ष राम बहादुर गुरुङको अध्यक्षता, देवदह नगर पालिकाका नगर प्रमुख ध्रुव प्रसाद खरेलको प्रमुख आतिथ्यता र सचीव कृष्ण प्रसाद गैरेको संचालनमा सम्पन्न भएको थियो।
