देवदह । रुपन्देहीको देवदहमा जारी प्रथम बुद्ध मावली क्रिकेट कप-२०८१ मा पाचौं दिनको खेलमा काठमाडौं क्यापिटलस् विजयी भएको छ । सोमबार भएको खेलमा आयोजक ए टिमलाई १४८ रनले हराउदै काठमाडौं क्यापिटलस् विजयी भएको हो ।
टस जितेर पहिले ब्याटिङ गरेको काठमाडौं क्यापिटलस्ले
१४ ओभरमा अल आउट हुँदै १७९ रन बनाउन सफल भएका थिए । टिमका लागि प्रकाश भण्डारीले १४ बलमा ३६ रन, नवीन कवरले १८ बलमा ३१ रन, आशिष पाण्डेले ११ बलमा २६ रन र अर्जुन जिसीले ८ बलमा २२ रन जोडेका थिए। बलिङ तर्फ आयोजक ए टिमका प्रशान्त रानाले ४ विकेट, ओम नारायण चौधरीले ३ विकेट र डेनिएल पुनले १ वेकेट लिएका थिए ।
१८० रनको लक्ष्य पाएको आयोजक ए टिमले ६.३ ओभरमा ३१ रन जोडी अल आउट हुन पुग्यो । टिमका लागि कुनै खेलाडीले पनि दोहोरो अङ्क जोड्न सकेनन् । डेनिएल पुनले ७ बलमा ७ रन, राहुल चौधरीले ४ रन र प्रशान्त राना, सन्तोष गुरुङ र ओम नारायण चौधरीले समान २-२ रन जोडेका थिए । बलिङतर्फ काठमाडौं क्यापिटलस्का आशिष पाण्डेले ३.३ ओभरमा ११ रन खर्चेर ६ विकेट र कमल जैसीले ३ ओभरमा ९ रन खर्चेर ४ विकेट लिएका थिए । खेलको म्यान अफ दि म्याच आशिष पाण्डे घोषित भएका थिए। उनले २६ रन संगै ६ विकेट लिएका थिए ।
यस्तै आईतवार हिज भएको बुटवल युथ र पलिनन्दन वारियर्स बिचमा पालिनन्दन वारियर्सले १ विकेटले जितको थियो ।
भोलि भने प्रतियोगिताको आठौं खेल डिसियु र देवदह आदर्श क्याम्पस बिच दिनको ठिक १:०० बजे बाट देवदह मा.विको फिल्डमा हुने आयोजकले जनाएको छ ।
