रुपन्देही । रुपन्देहीको देवदहमा जारी प्रथम बुद्ध मावली क्रिकेट कप-२०८१ को एघारौं खेलमा चुरे शिखर क्रिकेट क्लब विजयी भएको छ । बुधबार भएको खेलमा ग्रीन प्लान्ट आवासीय मा.विलाई ७० रनले हराउदै शिखर क्रिकेट क्लब विजयी भएको हो ।
ग्रीन प्लान्ट आवासीय मा.विले टस जितेर पहिले फिल्डिङ गर्ने निर्णय लिएको थियो । पहिलो इनिङ्मा ब्याटिङ गरेको चुरे शिखर क्रिकेट क्लबले १४ ओभरमा ७ विकेट गुमाउदै १५६ रन बनाउन सफल भएका थियो । टिमका लागि निरज भण्डारीले ५९ रन, विकास न्यौपानेले ३४ रन, प्रकाश बराले २० रन जोडेका थिए । बलिङ तर्फ ग्रीन प्लान्टका संकेत भट्टराई र अभिषेक भट्टराईले ३-३ विकेट र अमृत खरेलले १ विकेट लिएका थिए ।
१५७ रनको लक्ष्य पाएको ग्रीन प्लान्ट आवासीय मा.विले १६ ओभरमा ८ विकेट गुमाउँदै ७६ रन बनाउन सफल भयो। टिमका लागि बिबेक सापकोटाले १९ रन, निशान्त क्षेत्रीले १४ रन रन जोडेका थिए भने अन्य कुनै खेलाडीले दोहोरो अंक जोड्न सकेनन् । बलिङतर्फ चुरे शिखर क्रिकेट क्लबका प्रकाश जिसीले ३ विकेट, प्रकाश बराल र हिलसन क्षेत्रीले २-२ विकेट र उमेश पाण्डेले १ विकेट लिएका थिए । खेलको म्यान अफ दि म्याच निरज भण्डारी घोषित भएका थिए ।
