देवदह । देवदहमा जारी तेस्रो संगम कप भलिबल प्रतियोगिताको उपाधी कालीगण्डकी-२ स्याङ्जाले हात पारेको छ। सोमबार देवदह-३ सेमरहानामा भएको फाइनलमा तिलोत्तमा ४ रुपन्देहीलाई २५,१५ र २५,१९ को सोझो सेटमा पराजित गर्दै कालीगण्डकी स्याङ्जाले उपाधी हात पारेको हो।
उपाधी जितेसङ्गै कालीगण्डकी स्याङ्जाले नगद ५५ हजार पाँच सय ५५ शिल्ड, मेडल र प्रमाणपत्र हात पारेको छ।त्यस्तै उपबिजेतामा सिमित भएको तिलोत्तमा ४ ले ४४ हजर ४४४ रुपैयाँ शिल्ड मेडल र प्रमाणपत्र प्राप्त गरेको खेल संयोजल मिलन थापाले जानकारी दिनुभयो।
प्रतियोगितामा तिलोत्तमा ८ तेस्रो भएको छ।तेस्रो स्थान भएको तिलोत्तमाले नगद २२ हजार २ सय २२ प्राप्त गरेको खेल संयोजक थापाले जानकारी दिनुभयो।
प्रतियोगितामा विजेता टिमलाई देवदह नगरपालिकाका नगर उपप्रमुख विद्या लक्ष्मी गुरुङ, देवदह वडा नम्बर ३ का वडा अध्यक्ष यज्ञ प्रसाद अर्याल, जनप्रतिनिधिहरुको उपस्थितिमा पुरस्कार वितरण गरिएको थियो।
समापन समारोह संस्थाका अध्यक्ष कवि ज्ञवालीको अध्यक्षता, चाहाना आमा समूहका अध्यक्ष युवा कुमारी कामुको स्वागत र सचिब प्रीतम कुमार थापा मगरको संचालनमा सम्पन्न भएको थियो।
