काठमाडौं — शिक्षामन्त्री विद्या भट्टराईले पदबाट राजीनामा दिएकी छन्। उनले आज प्रधानमन्त्री केपी शर्मा ओलीलाई भेटेर राजीनामा पत्र बुझाएकी हुन्।
शिक्षक आन्दोलन चर्किँदै गएका बेला आएको राजीनामा राजनीतिक दबाबको सङ्केत मानिएको छ। तर भट्टराईको सचिवालयले भने स्वास्थ्य अवस्थाका कारण राजीनामा दिएको स्पष्ट पारेको छ।
देशभरका शिक्षकहरू २० दिनदेखि काठमाडौंमा आन्दोलनरत छन्। शिक्षामन्त्री भट्टराईले उनीहरूको माग सम्बोधन गर्न सात बुँदे प्रस्ताव तयार पारेकी थिइन्, जसलाई आजै मन्त्रिपरिषद्मा पेस गर्ने तयारी थियो। साथै, उनले शिक्षकहरूलाई आन्दोलनबाट फर्कन आह्वान गर्ने योजना पनि बनाएकी थिइन्।
यो समाचार पढेर हजुरले कस्तो महसुस गर्नुभएको छ ??
