गैडहवा//
रुपन्देहीको गैडहवामा ट्याक्टरबाट खस्दा एकजनाको मृत्यु भएको छ। ईलाका प्रहरी कार्यालय, सूर्यपुराले दिएको जानकारी अनुसार मृत्यु हुनेमा जिल्ला रुपन्देही गैडहवा गाउापालिका वडा नं ४ पोहवा बस्ने अन्दाजी बर्ष ६० का दुखराम कहाँर रहेका छन।
गैडहवा पोहवा गाउमा पराल लिएर गुडिरहेको लु ३ त १७५५ नम्वरको ट्याक्टरबाट एक्कासी खसेर सख्त घाइते भएका कहाँरको उपचारको क्रममा भैरहवा स्थित भिम अस्पतालमा लैजादै गर्दा अस्पताल प्रशासनले मृत्यु घोषित गरेको थियो।
ट्याक्टर र चालक जिल्ला रुपन्देही गैडहवा वडा नं ४ बस्ने अन्दाजी बर्ष ४२ का हरिगोपाल कहाँरलाई नियन्त्रणमा लिई ईलाका प्रहरी कार्यालय, लुम्बिनी पठाइएको ईलाका प्रहरी कार्यालय, सूर्यपुराले जानकारी दिएको छ।
यो समाचार पढेर हजुरले कस्तो महसुस गर्नुभएको छ ??
