झविन्द्र देवकोटा, बुटवल ।
बुटवल सुख्खानगरमा रहेको अक्सफोर्ड माध्यमिक विद्यालयले प्रजातन्त्र दिवसको अवसर पारी कक्षा ११ र १२ को दोस्रो त्रैमासिक परीक्षाको परीक्षाफल प्रकाशित तथा पुरस्कार वितरण कार्यक्रम गरेको छ । आज आइतबार माघ महिनामा लिएको दोस्रो त्रैमासिक परीक्षाको नतिजा सार्वजनिक गर्दै अक्सफोर्डले ६३ जना मावि तहका विद्यार्थीलाई नगद तथा तीन महिनाको मासिक शुल्कमा छुट सहित पुरस्कृत गरेको हो । कक्षा ११ र १२ मा अध्ययनरत दोस्रो त्रैमासिक परीक्षामा सम्मिलित परीक्षार्थीहरुमध्ये ३ दशमलव ६५ जि।पि।ए ल्याउने १७ जना विद्यार्थीहरुलाई नगद र १० हजार तथा ३ महिनाको मासिक शुल्क छुट साथै ३ दशमलव ४४ जिपिए भन्दामाथि ल्याउने ४६ जना परीक्षार्थीहरुलाई नगद तीन हजार र ३ महिनाको मासिक शुल्कमा छुट सहित सम्मान तथा पुरस्कृत गरेको विद्यालयका प्राचार्य दिनेश भुसालले जानकारी दिनुभयो ।
उत्कृष्ट नजिता हासिल गर्ने विद्यार्थीका विद्यार्थीहरुको सहभागिता समेत रहेको सम्मान तथा पुरस्कार वितरण कार्यक्रममा उत्कृष्ट जि।पि।ए ल्याउने विद्यार्थीका अभिभावकलाई समेत सम्मान गरिएको थियो । प्राचार्य भुसालका अनुसार उत्कृष्ट अंक ल्याउने विद्यार्थीलाई थप प्रोत्साहन मिलोस भनेर निरन्तर विद्यालयले सम्मान तथा पुरस्कार वितरण कार्यक्रम गर्दै आएको हो । यस्तै माघको अन्तिम साता विद्यालयले गरेको वेभ प्रोजेक्ट डेभलपमेन्ट कम्पिटिशनमा उत्कृष्ट प्रर्दशन गरेका कक्षा १२ मा अध्ययनरत अर्पनको समूह प्रथम, सविनको समूह द्वितिय र आशिषको समूह तृतिय भएका यस्तै कक्षा ११ तर्फ विकल्प खत्रीको समूह प्रथम, अंकितको समूह र रोजनको समूह द्वितिय र अनुपको समूह तृतिय भएका थिए । उक्त कार्यक्रममा प्रथम, द्वितिय तथा तृतीय हुने विद्यार्थीहरुलाई नगद सहित प्रमाण पत्रले सम्मान गरिएको अक्सफोर्ड माविका प्राध्यापक सुमन भुसालले जानकरी दिनुभयो ।
यस्तै हालै बुटवलमा सम्पन्न भएको राष्ट्रपति रनिङशिल्ड प्रतियोगिता २०७९ मा सहभागी भइ बुटवल उपमहानगरपालिकामा तृतीय स्थान प्राप्त गर्न सफल भएकोमा विभिन्न विधामा उत्कृष्ट १० खेलाडी विद्यार्थीलाई सम्मान सहित पुरस्कृत गरिएको प्राध्यापक भुसालले बताउनुभयो । विद्यालयका व्यवस्थापन समितिका अध्यक्ष दुर्गादत्त भण्डारीको अध्यक्षतामा भएको कार्यक्रममा सञ्चालक समिति सदस्य ललितप्रसाद खरेल, अक्सफोर्ड कलेजका क्याम्पस प्रमुख मनोज मरासिनी, अध्यक्ष अजित खनाल, नारायण सापकोटा लगायतले विद्यार्थीलाई सम्मान तथा पुरस्कृत गर्दै बधाई तथा शुभकामना दिनु भएको थियो । विद्यालयका प्राध्यापक नारायण सापकोटाको सञ्चालनमा भएको कार्यक्रम शैक्षिक तथा अन्य विभिन्न क्षेत्रमा उत्कृष्टता हासिल भूमिका निर्वाह गरेका शिक्षक तथा कर्मचारी तर्था विज्ञान र व्यवस्थापनमा उत्कृष्टता हासिल गर्ने विद्यार्थीलाई सम्मान तथा पुरस्कृत गरिएको विद्यालयका शिक्षक लक्ष्मण घिमिरेले जानकारी दिनुभयो ।
