२७ बैशाख, काठमाण्डौ ।
चर्च ब्वाइज युनाइटेड क्लब शहीद स्मारक ए डिभिजन लिग फुटबलको शीर्ष स्थानमा उक्लिएको छ । एन्फा कम्लेक्समा आज बुधवार भएको खेलमा चर्च ब्वाइज युनाइटेडले मच्छिन्द्र क्लबलाई २–१ गोलले हराएको छ । यो जितसँगै चर्च ब्वाइज ३० अङ्कसहित तालिकाको शीर्ष स्थानमा उक्लिएको छ । मछिन्द्र २४ अङ्कका साथ चौथो स्थानमा कायमै छ । आजै दशरथ रङ्गशालामा भएको खेलमा सशस्त्र प्रहरीको एपीएफ क्लबले त्रिभुवन आर्मीलाई ३–० गोलले हराएको छ। एपीएफका लागि आवास लामिछाने, नवीन लामा र अर्मान्ड बेडमले १र१ गोल गरे। जितपछि एपीएफ २२ अङ्कसहित तालिकाको छैटौँ स्थानमा पुगेको छ । २१ अङ्क रहेको आर्मी सातौँ स्थानमा छ।
यो समाचार पढेर हजुरले कस्तो महसुस गर्नुभएको छ ??
