एजेन्सी ।
भारतको महाराष्ट्रको पुना शहरमा बिहीबार बिहान भीषण आगलागी भएको छ । पुनाको भवानी पर्थ क्षेत्रमा बिहान ४ बजेको समयमा भएको आगलागीबाट कम्तिमा आधा दर्जन घर, दर्जनौं पसल र गोदामहरु जलेर नष्ट भएको प्रारम्भिक सूचनाहरुमा जनाइएको हो । भारतीय सञ्चार माध्यमका अनुसार आगो निभाउन डेढ दर्जन बढी दमकल प्रयोग गरिएको छ। करीब सय जनाको संख्यामा परिचालित अग्नि नियन्त्रकहरुले घरभित्र रहेका ग्यासका सिलिण्डरहरु बाहिर निकालेर आगो थप बढ्न नदिने कोशिस गरेका छन। एउटा फर्निचर गोदामबाट आगलागी सुरु भएको बताइएको छ । आगलागीबाट भएको क्षतिको विस्तृत बिवरण भने आउन बाँकी छ।
यो समाचार पढेर हजुरले कस्तो महसुस गर्नुभएको छ ??
