काठमाण्डौ ।
मच्छिन्द्र फुटबल क्लब शहीद स्मारक ए डिभिजन लिग फुटबल २०७९ को उपविजेता बनेको छ । आज बुधबार दशरथ रङ्गशालामा भएको खेलमा मच्छिन्द्र क्लबले हिमालयन शेर्पा क्लबलाई ३–१ गोलले हराउँदै उपविजेता बनेको हो । यो जितसँगै मच्छिन्द्रको ४२ अङ्क भएको छ । हिमालयन शेर्पा ३१ अङ्कसहित तालिकाको नवौँ स्थानमा छ । आजै च्यासल मैदानमा भएको खेलमा न्युरोड टिम (एनआरटी)ले मनाङ मर्स्याङ्दी क्लबलाई १–० गोलले हराएको छ । जितसँगै एनआरटी ३३ अङ्कका साथ छैटौँ स्थानमा उक्लिएको छ र रेलिगेशनमा नपर्ने पक्का भएको छ । ३२ अङ्क भएको मनाङ सातौँ स्थानमा छ । अहिले दशरथ रङ्गशालामा सङ्कटा क्लब र फ्रेन्ड्स क्लब खेलिरहेका छन् । सङ्कटा २४ खेलमा ३० अङ्क जोडेर दशौँ स्थानमा र फ्रेन्ड्स समान खेलमा २६ अङ्कका साथ पुछारमा छ । लिगको अन्तिम खेलअघि नै चर्च ब्वाइज युनाइटेडले उपाधि जितिसकेको छ ।
यो समाचार पढेर हजुरले कस्तो महसुस गर्नुभएको छ ??
