कंचन ।
गौतमबुद्ध सामुदायिक बिकास केन्द्र, कञ्चन ५ पिपरीचापाको आयोजनामा संचालित फुटवल प्रतियोगिताको चौथो दिन दुई खेल सम्पन्न भएका छन। आज सम्पन्न खेलमा गौतमुबद्ध सामुदायिक बिकास केन्द्र (आयोजक) र सिद्धार्थ एफसी विजयी भएका छन।
गौतमुबद्ध सामुदायिक बिकास केन्द्र (आयोजक) र दर्शन एफसी बिच भएको पहिलो खेलमा गौतमुबद्ध सामुदायिक बिकास केन्द्र (आयोजक)ले दर्शनलाई ४-० गोल अन्तरले पराजित गरी विजयी भएको हो। यस्तै सिद्धार्थ एफसी र बुद्ध सेवेन स्टार बिच भएको दोश्रो खेलमा बुद्ध सेवेन स्टारलाई सिद्धार्थ एफसीले २-० गोलगरी पराजित गरेको हो।
२२ फुटवल टिमहरु सहभागी भएको प्रतियोगितामा विजेता टिमले नगद ५० हजार रुपैया सहित कप र मेडल प्राप्त गर्ने छ भने उपविजेता टिमले नगद ३० हजार रुपैया सहित कप र मेडल प्राप्त गर्ने आयोजकले जनाएको छ।
कञ्चन ५ को चौपारी खेलमैदानमा खेलमा खेल अवधीभर उत्कृष्ट खेल प्रदर्शन गर्ने बिभिन्न बिधाका खेलाडीहरुले नगद पुरस्कार सहित मेडल प्राप्त गर्ने आयोजकले जनाएको छ । खेल असोज १३ गतेसम्म संचालन हुने छ।
