एजेन्सी ।
विश्व चर्चित फ्रेन्चाइज क्रिकेट प्रतियोगिता इन्डियन प्रिमियर लिग (आईपीएल) को नयाँ सिजन सुरु हुनुअघि सनराइजर्स हैदराबादले आफ्नो कप्तान परिवर्तन गरेको छ । सनराइजर्स हैदराबाटले अस्ट्रेलियाका प्याट कमिन्सलाई आफ्नो नयाँ कप्तान बनाएको हो । यसअघि दक्षिण अफ्रिकाका एडन मारक्रम सनराइजर्स हैदराबादका कप्तान थिए ।
सन् २०२३ को आईपीएलमा पनि मारक्रम नै सनराइजर्सका कप्तान थिए । अहिले सनराइजर्स हैदराबादले मारक्रमलाई हटाएर कमिन्सलाई कप्तानको जिम्मेवारी दिएको हो । सनराइजर्स हैदराबादले ३० वर्षीय कमिन्सलाई यसै सिजनको अक्सनमा खरिद गरेको हो । अक्सनमा कमिन्सका लागि सनराइजर्स हैदराबादले २० करोड ५० लाख भारतीय रुपैयाँ खर्चिएको थियो । कमिन्स आईपीएलको इतिहासमा दोस्रो सबैभन्दा बढी रकममा बिक्री हुने खेलाडी पनि हुन्।
यो समाचार पढेर हजुरले कस्तो महसुस गर्नुभएको छ ??
