काठमाण्डौ ।
रुसी फौजीमा भर्ना भएका थप ७ नेपाली युवाको मृत्यु भएको छ । परराष्ट्र मन्त्रालयले मृत्यु भएको पुष्टि गरेको हो । मन्त्रालयले जारी गरेको विज्ञप्ति अनुसार मृतक थप ७ जनाको नाम र ठेगाना सहित उल्लेख छ ।
परराष्ट्र मन्त्रालयका अनुसार मृत्यु हुनेहरूमा धादिङका पूर्णबहादुर गुरुङ, जाजरकोटका नवीन शाही, उदयपुरका पदमबहादुर घिमिरे, झापाका गंगाराम अधिकारी, बागलुङका जितबहादुर विक, बाँकेका संजय केसी र रसुवाका सुन्दर मोक्तान रहेकाे विज्ञप्तिमा जनाएकाे छ ।
रुसी फौजमा भर्ना भएका नेपालीलाई स्वदेश फर्काउन सरकारले उच्च प्राथमिकताका साथ कूटनीतिक प्रयास जारी राखेको मन्त्रालयको भनाइ छ । साथै ज्यान गुमाएका नेपालीहरूको परिवारलाई क्षतिपूर्ति उपलब्ध गराउन, घाइतेको उपचार गर्न पनि रुस सरकारलाई अनुरोध गरिएको विज्ञप्तिमा उल्लेख छ ।
यो समाचार पढेर हजुरले कस्तो महसुस गर्नुभएको छ ??
