देवदह । रुपन्देहीको देवदह नगरपालिका वडा नँ ७ मा अवस्थित देवदह इङ्ग्लिस बोर्डिङ स्कुलमा नगर स्तरीय छात्र भलिबल प्रतियोगिता सुरु भएको छ। प्रतियोगिता विद्यालयको २७ औँ वार्सिकोत्सव तथा रजत महोत्सवको अवसरमा आयोजना गरिएको हो।
प्रतियोगिताको शुभारम्भ गर्दै कार्यक्रमका प्रमुख अतिथी समेत रहनुभएका लुम्बिनी प्रदेश खेलकुद परिषदका सदस्य सचिव जय प्रकाश भट्टराईले नयाँ खेलाडी उतपादनमा प्रतियोगिताले महत्वपूर्ण भूमिका निर्वाह गर्ने विश्वास व्यक्त गर्नुभयो। उहाले विद्यालयले शैक्षिक जगतमा आफुलाइ स्थापित गर्दै अतिरिक्त कृयाकलापमा पनि नाम कमाउन सफल भएकोमा विद्यालयलाई बधाइ दिनुभएको थियो।
देवदह इङ्लिस बोर्डिङ स्कुलका विद्यालय व्यवस्थापन समितिका अध्यक्ष अर्जुन कुमार रेग्मीको अध्यक्षतामा भएको कार्यक्रममा प्याब्सन रुपन्देहीका अध्यक्ष पुर्शोत्तम बस्याल लग्यात विभिन्न बिद्यालयका शिक्षकहरुको उपस्थिति रहेको थियो। कार्यक्रम विद्यालयको संस्थापक प्राचार्य बिष्णु प्रसाद पौडेलको स्वागत र सहायक प्राचार्य मान बहादुर संचालनमा सम्पन्न भएको थियो ।
