काठमाडौं ।
यही बैशाख ७ गते लाग्ने सूर्यग्रहण नेपालबाट नदेखिने भएकाले यसको दोष नलाग्ने नेपाल पञ्चांग निर्णायक विकास समितिले जनाएको छ। बैशाख कृष्ण औंसीका दिन बैशाख ७ गते लाग्ने सूर्यग्रहण नेपालबाट नदेखिने हुदाँ यसको दोष नेपालीलाई नलाग्ने र बार्नु पनि नपर्ने समितिका अध्यक्ष प्राध्यापक श्रीकृष्ण अधिकारीले जानकारी दिनुभएको छ । यस वर्षको बैशाख ७, असोज २७ र चैत २६ गते लाग्ने ३ वटै सूर्यग्रहण नेपालबाट नदेखिने भएकाले तीन वटै सूर्यग्रहण बार्नु नपर्ने उहाँको भनाई छ। कात्तिक ११ गते लाग्ने चन्द्रग्रहण भने नेपालबाट देखिने भएकाले दोष लाग्ने हुदाँ बार्नुपर्ने समितीले जनाएको छ । बैशाख ७ गते लाग्ने सूर्यग्रहण विदेशका अन्य देशमा देखिने नेपाल पञ्चांग निर्णायक विकास समितिले जनाएको छ ।
यो समाचार पढेर हजुरले कस्तो महसुस गर्नुभएको छ ??
