गैडहवा ।
दोश्रो गैडहवा अध्यक्ष कप नकआउट फुटबल प्रतियोगिताको शुक्रबारको सेमिफाईनल खेलमा फर्साटिकर एफ.सी विजयी भई फाईनलमा प्रबेश गरेको छ । राईजिङ स्टार एफ.सी र फर्साटिकर एफ.सी बिचको कडा प्रतिस्पर्धामा पहिलो हापको खेल सुरु भएको ३ मिनेट मै फर्साटिकर एफ.सीका जर्सी नं ११ का टिकाराज गुरुङ्गले आफ्नो टिमलाई पहिलो गोल गर्दै जितको नजिक लगेका थिए ।
राईजिङका जर्सी नंम्बर १७ का सन्देश चौधरीले दोस्रो हापको अन्तिम चरणमा १ गोल गरि बराबरको अवस्थामा पुर्याएका थिए । तर ट्राइ बेकरमा ६ /७ गोलको अन्तरमा फर्साटिकर एफ.सी विजयी भई सङै फाइनलमा प्रवेश गरेको हो । फर्साटिकर एफसीका गोल किप्पर सुबाङकर जि सि म्यान अफ द म्याच भएका छन ।
भोली बैशाख ९ गते हुने फाइनल खेलमा फर्साटिकर एफ.सी र गोलबजार एफसी सिराहा बिच प्रतिस्पर्धा हुने आयोजकले जनाएका छन। खेल दिउँसो ३ बजेदेखी सुरु हुनेछ । गैडहवा गाँउपालिकाको ९ वटै वडाको आर्थिक सहयोग तथा न्यू एभरेष्ट युवा क्लब गैडहवा ८ देविनगरको आयोजना खेल सञ्चालन गरिएको हो । खेलको संरक्षण भने गैडहवा गाँउपालिकाले गरेकोछ । साथै खेलको बिजेता टोलीले रु २ लाख २ हजार २ सय २२ रुपैया र उपबिजेताले १ लाख १ हजार १ सय ११ सय रुपैयाँ पाउन आयोजकले जनाएका छन ।
