९ जेठ, काठमाण्डौ।
कीर्तिमानी आरोही कामीरिता शेर्पाले २८औँ पटक सगरमाथा आरोहण गर्नुभएको छ। उहाँले आज बिहान ९ बजेर २३ मिनेटमा सगरमाथाको सफल आरोहण गरी आफ्नै रेकर्ड तोड्नुभएको हो । उहाँले गएको बुधवार बिहान साढे ८ बजे सगरमाथाको २७औँ पटक सफल आरोहण गर्नुभएको सेभेन समिट ट्रेक्सले जनाएको छ। २०२६ सालमा सोलुखुम्बुको थामेमा जन्मिनुभएका कामीरिताले यसअघि २०७९ वैशाख २४ गते सगरमाथाको २६औँ पटक आरोहण गर्नुभएको थियो। कामीरितापछि सर्वाधिक सगरमाथा आरोहण गर्ने दोस्रो व्यक्ति पासाङदावा शेर्पा हुनुहुन्छ । उहाँ २७ औँ पटक सगरमाथाको चुचुरोमा पुग्नुभएको छ ।
यो समाचार पढेर हजुरले कस्तो महसुस गर्नुभएको छ ??
